PSC പരീക്ഷാ പരിശീലനരംഗത്തെ മുന്‍നിരക്കാരായ PSC Talks തയ്യാറാക്കുന്ന പ്രതിവാര കറന്റ് അഫേഴ്സ് മെറ്റീരിയല്‍. മത്സര പരീക്ഷകളില്‍ ചോദിക്കാന്‍ സാധ്യതയുള്ള ആനുകാലിക വിഷയങ്ങള്‍ ഓരോ ആഴ്ചയിലും മലയാളി മെന്ററിലൂടെ വായിക്കാം. എപ്പിസോഡ് -4 (2023 ആഗസ്റ്റ് 20 – 26).
PSC Talks ഹെല്‍പ് ലൈന്‍ നമ്പര്‍: 7511175161
- സദ്ഭാവന ദിനം: ആഗസ്റ്റ് 20
അന്തരിച്ച മുന്‍ പ്രധാനമന്ത്രിയായിരുന്ന രാജീവ് ഗാന്ധിയുടെ ജന്മദിനമാണ് സദ്ഭാവന ദിനമായി ആചരിക്കുന്നത്.
ഇന്ത്യയുടെ ആറാമത്തെ പ്രധാനമന്ത്രിയായിരുന്നു അദ്ദേഹം (19841989)
ഇന്ത്യയിലെ ഏറ്റവും പ്രായം കുറഞ്ഞ പ്രധാനമന്ത്രി: രാജീവ് ഗാന്ധി
മരണാനന്തരം 1991ല്‍ പരമോന്നത ബഹുമതിയായ ഭാരതരത്‌ന പുരസ്‌കാരം നേടി. - ലോക കൊതുക് ദിനം: ആഗസ്റ്റ് 20
1897 ആഗസ്റ്റ് 20-നാണ് മലേറിയ പരത്തുന്ന പ്ലാസ്‌മോഡിയം എന്ന രോഗാണു കൊതുകിലൂടെയാണ് മനുഷ്യരിലെത്തുന്നതെന്ന് കണ്ടെത്തിയത്.
ഇന്ത്യയില്‍ സേവനം ചെയ്തിരുന്ന ബ്രിട്ടീഷ് ഡോക്ടറായ സര്‍ റൊണാള്‍ഡ് റോസാണ് ഈ കണ്ടെത്തല്‍ നടത്തിയത്.
അദ്ദേഹത്തിന്റെ സ്മരണാക്കായാണ് ആഗസ്റ്റ് 20 ലോക കൊതുകു ദിനമായി ആചരിക്കുന്നത് - കേരളത്തില്‍ ഏറ്റവും കൂടുതല്‍ കാലം മുഖ്യമന്ത്രിപദം വഹിച്ചവരുടെ പട്ടികയില്‍ മൂന്നാം സ്ഥാനം ആര്‍ക്കാണ്?
പിണറായി വിജയന്‍
ഏറ്റവും കൂടുതല്‍ കാലം മുഖ്യമന്ത്രിപദം കേരളത്തില്‍ വഹിച്ചത് : ഇ.കെ. നായനാര്‍ (4,009 ദിവസം)
രണ്ടാം സ്ഥാനം: കെ.കരുണാകരന്‍ (3,246 ദിവസം) - ചെസില്‍ കേരളത്തില്‍ നിന്നുള്ള ആദ്യ വുമണ്‍ ഇന്റര്‍നാഷണല്‍ മാസ്റ്റര്‍ പദവി നേടിയത്?
നിമ്മി എ. ജോര്‍ജ് - സംസ്ഥാനത്തെ ഏറ്റവും പ്രായം കുറഞ്ഞ പഞ്ചായത്ത് അംഗമായി തിരഞ്ഞെടുക്കപ്പെട്ടത്?
നിഖിത ജോബി - ഇന്ത്യ തദ്ദേശീയമായി വികസപ്പിച്ച ആദ്യ ദീര്‍ഘദൂര റിവോള്‍വര്‍?
പ്രബല്‍
കാണ്‍പൂരിലെ അഡ്വാന്‍സ്ഡ് വെപ്പണ്‍സ് ആന്‍ഡ് എക്യുപ്‌മെന്റ് ഇന്ത്യയാണ് റിവോള്‍വര്‍ നിര്‍മ്മിച്ചത്. - ലോകത്തിലെ ഗതാഗത യോഗ്യതമായ ഏറ്റവും ഉയരം കൂടിയ റോഡ് നിര്‍മ്മിക്കുന്നത് എവിടെയാണ്
ലഡാക്ക്
ലഡാക്കിലെ ലികാരു-മിഗ്ലാ-ഫുക് ചെ മേഖലയിലാണ് റോഡ് നിര്‍മ്മിക്കുന്നത്.
റോഡ് പൂര്‍ത്തിയാകുമ്പോള്‍ മറികടക്കുന്നത് ഉംലിങ് ലാ പാസിന്റെ റെക്കോഡ്. - മഹാരാഷ്ട്ര സര്‍ക്കാര്‍ നല്‍കുന്ന പ്രഥമ ‘ഉദ്യോഗ് രത്‌ന’ പുരസ്‌കാരം നേടിയത് ?
രത്തന്‍ ടാറ്റ - 2023ലെ ഫിഫ വനിതാ ഫുട്‌ബോള്‍ ലോകകപ്പ് ജേതാക്കള്‍ ?
സ്പെയിന്
ഫൈനലില്‍ ഇംഗ്ലണ്ടിനെ പരാജയപ്പെടുത്തി. - 2023ല്‍ സുന്ദര്‍ബന്‍ ഇന്റര്‍നാഷണല്‍ ഫിലിം ഫെസ്റ്റിവലില്‍ 4 പുരസ്‌കാരം നേടിയ മലയാള സിനിമ?
എഴുത്തോല (സംവിധാനം: സുരേഷ് ഉണ്ണികൃഷ്ണന്‍) - 2023ല്‍ മികച്ച ജില്ലാ പഞ്ചായത്തിനുള്ള രാജീവ് ഗാന്ധി ദേശീയ അവാര്‍ഡ് നേടിയത്?
എറണാകുളം ജില്ലാ പഞ്ചായത്ത് - കേരളത്തിലെ ആദ്യ വന മ്യൂസിയം ആരംഭിച്ചത് എവിടെയാണ്?
കുളത്തൂപുഴ (കൊല്ലം) - നാഷണല്‍ ബൊട്ടാണിക്കല്‍ റിസര്‍ച്ച് ഇന്‍സ്റ്റിറ്റ്യൂട്ട് പുതുതായി വികസിപ്പിച്ച 108 ഇതളുകളുള്ള താമരയുടെ പേര്?
നമോ 108 - സര്‍ക്കാര്‍ ആശുപത്രികളില്‍ സൗജന്യ ഐവിഎഫ് ചികിത്സ ആരംഭിച്ച ആദ്യ സംസ്ഥാനം?
ഗോവ - 2023 ആഗസ്റ്റില്‍ ബി.പി.സി.എല്ലിന്റെ ബ്രാന്‍ഡ് അംബാസഡറായി തിരഞ്ഞെടുക്കപ്പെട്ടത് ?
രാഹുല്‍ ദ്രാവിഡ് - 2023ലെ ലോക ബാഡ്മിന്റണ്‍ ചാമ്പ്യന്‍ഷിപ്പ് വേദി?
കോപ്പന്‍ഹേഗന്‍ (ഡെന്മാര്‍ക്ക്) - ലോക അത്ലറ്റിക്സ് ചാമ്പ്യന്‍ഷിപ്പില്‍ ആദ്യ സ്വര്‍ണ്ണം നേടിയത്: അല്‍വാരോ മാര്‍ട്ടിന്‍ (സ്പെയിന്, 20 കി.മീ. നടത്തം)
പുരുഷന്മാരുടെ 100 മീറ്ററില്‍ സ്വര്‍ണ്ണം നേടിയത്: നോഹാ ലൈല്‍സ് (യുഎസ്) - കേരളത്തിലെ ആദ്യ ആര്‍ട്ടിഫിഷ്യല്‍ ഇന്റലിജന്‍സ് സ്‌കൂള്‍?
ശാന്തിഗിരി വിദ്യാഭവന്‍ സ്‌കൂള്‍, പോത്തന്‍കോട് - ഇന്ത്യയില്‍ കാന്റീലിവര്‍ മാതൃകയിലുള്ള ഏറ്റവും വലിയ ചില്ല് പാലം നിലവില്‍ വന്നത് എവിടെ?
വാഗമണ്‍ (ഇടുക്കി) - ഇന്ത്യയിലെ ആദ്യത്തെ എട്ടുവരി എലിവേറ്റഡ് എസ്പ്രസ് വേ?
ദ്വാരക എക്‌സ്പ്രസ് വേ
എന്‍.എച്ച് 248-ബിബി ആണ് ദ്വാരക എക്‌സ്പ്രസ് വേ.
ഡല്‍ഹിയിലെ ദ്വാരകയെ ഗുരുഗ്രാമിലെ ഖേര്‍ക്കി ടോള്‍ പ്ലാസയുമായി ബന്ധിപ്പിക്കുന്നതാണ് എക്‌സ്പ്രസ് വേ. - വിശ്വനാഥന്‍ ആനന്ദിന് ശേഷം ചെസ് ലോകകപ്പിന്റെ ഫൈനലില്‍ എത്തിയ ആദ്യ ഇന്ത്യന്‍ താരം?
ആര്‍. പ്രഗ്‌നനാന്ദ - ഇന്ത്യ, യുഎസ്, ആസ്ട്രേലിയ, ജപ്പാന്‍ എന്നീ 4 രാജ്യങ്ങളുടെയും നാവികസേനകള്‍ പങ്കെടുക്കുന്ന ‘മലബാര്‍’ സൈനികാഭ്യാസത്തിന്റെ വേദി ?
സിഡ്നി - 2023ലെ ഫിഡെ വനിതാ ചെസ് ലോകകപ്പ് ജേതാവ്?
അലക്സാന്ദ്ര ഗൊര്യാച്കിന (റഷ്യ) - 2024ലെ ഏഷ്യന്‍ കപ്പ് ഫുട്‌ബോളിന്റെ വേദി?
ഖത്തര്‍ - 2023ലെ ഫിഫ വനിതാ ലോകകപ്പ്
വേദി: ആസ്ട്രേലിയ
ജേതാക്കള്‍: സ്പെയിന്
ഗോള്‍ഡന്‍ ബോള്‍: എയ്റ്റാന ബോണ്‍മറ്റി (സ്പെയിന്)
ഗോള്‍ഡന്‍ ബൂട്ട്: ഹിനാറ്റ മിയാസാവ (ജപ്പാന്‍)
ഗോള്‍ഡന്‍ ഗ്ലോവ്: മേരി ഏര്‍പ്‌സ് (ഇംഗ്ലണ്ട്)
മികച്ച യുവതാരം: സല്‍മ പരെലുയെലോ (സ്പെയിന്) - മനുഷ്യനെ ബഹിരാകാശത്ത് എത്തിക്കാനുള്ള ഇന്ത്യയുടെ ഗഗന്‍യാന്‍ ദൗത്യത്തില്‍ സാങ്കേതിക ഉപദേഷ്ടാവായി നിയമിതനായ മലയാളി ?
അഭിലാഷ് ടോമി - ഗണിതപഠന പിന്നാക്കാവസ്ഥ പരിഹരിക്കാന്‍ കേരള സര്‍ക്കാര്‍ കെഡിസ്‌ക് മുഖേന വികസിപ്പിച്ചെടുത്ത പഠനരീതി ?
മഞ്ചാടി - ചന്ദ്രന്റെ ദക്ഷിണ ദ്രുവത്തില്‍ പേടകമിറക്കുന്ന ആദ്യ രാജ്യം?
ഇന്ത്യ (2023 ആഗസ്റ്റ് 23ന്)
ചന്ദ്രനില്‍ പേടകം ഇറക്കുന്ന നാലാമത്തെ രാജ്യമാണ് ഇന്ത്യ.
മറ്റു രാജ്യങ്ങള്‍: യുഎസ്എ, സോവിയറ്റ് യൂണിയന്‍, ചൈന
ചന്ദ്രനിലെ രാസഘടനയെ കുറിച്ചും ദക്ഷിണ ധ്രുവത്തിലെ ജലം, ടൈറ്റാനിയം, മഗ്‌നീഷ്യം എന്നിവയുടെ സാന്നിധ്യത്തെ സംബന്ധിച്ചും പരിവേഷണം നടത്തുകയാണ് ചന്ദ്രയാന്‍ 3-ന്റെ ലക്ഷ്യം. - 2023 ആഗസ്റ്റില്‍ ദേശീയ ഹരിത ട്രിബ്യൂണല്‍ ചെയര്‍മാനായി നിയമിതനായത്?
ജസ്റ്റിസ് പ്രകാശ് ശ്രീവാസ്തവ - 2023 ആഗസ്റ്റില്‍ ദേശീയ തിരഞ്ഞെടുപ്പ് കമ്മീഷന്റെ ഐക്കണ്‍ ആയി നിയമിതനാകുന്നത്?
സച്ചിന്‍ ടെണ്ടുല്‍ക്കര്‍ - 2023ലെ ലോക അത്‌ലറ്റിക് ചാമ്പ്യന്‍ഷിപ്പില്‍ വനിതകളുടെ 100 മീ സ്വര്‍ണ്ണം നേടിയത്?
ഷാകാരി റിച്ചാര്‍ഡ്‌സണ്‍ (യുഎസ്എ) - 2023 ആഗസ്റ്റില്‍ തായ്ലന്‍ഡിലെ പുതിയ പ്രധാനമന്ത്രിയായി തിരഞ്ഞെടുക്കപ്പെട്ടത് ?
ശ്രേത്ത തവിസിന്‍ - ഭിന്നശേഷിക്കാരെ നീന്തല്‍ പഠിപ്പിക്കുന്ന കേരള സര്‍ക്കാര്‍ പദ്ധതി?
ബീറ്റ്സ് - ഉമ്മന്‍ചാണ്ടിയുടെ ആത്മകഥയായ ‘കാലം സാക്ഷി’ക്ക് അവതാരിക എഴുതിയത്?
മമ്മൂട്ടി - സൂര്യനെക്കുറിച്ച് പഠിക്കാന്‍ ഐഎസ്ആര്‍ഒ വിക്ഷേപിക്കുന്ന ദൗത്യം?
ആദിത്യ-എല്‍ 1 - യൂട്യൂബില്‍ ലോകത്ത് ഏറ്റവമധികം ആളുകള്‍ കണ്ട ലൈവ് സ്ട്രീം?
ചാന്ദ്രയാന്‍ 3 ലൈവ് മിഷന്‍ സോഫ്റ്റ് ലാന്‍ഡിങ് - 2023 ആഗസ്റ്റില്‍ അന്തരിച്ച, 2023ല്‍ സ്റ്റാറ്റിസ്റ്റിക്സിന് അന്തര്‍ദേശീയ പുരസ്‌കാരം നേടിയ വ്യക്തി?
സി. രാധാകൃഷ്ണ റാവു - 2023 ആഗസ്റ്റില്‍ പരാജയപ്പെട്ട റഷ്യയുടെ ചാന്ദ്രദൗത്യം?
ലൂണ 25 - 2023ലെ അണ്ടര്‍ 20 വനിതാ ഗുസ്തി ലോക ചാമ്പ്യന്‍ഷിപ്പ് ജേതാക്കള്‍?
ഇന്ത്യ - 2023ലെ ബ്രിക്‌സ് ഉച്ചകോടിയില്‍ പുതുതായി അംഗത്വം ലഭിച്ച രാജ്യങ്ങള്‍? അര്‍ജന്റീന, 2. ഇറാന്‍, 3. യുഎഇ, 4. സൗദിഅറേബ്യ, 5. എത്യോപ്യ, 6. ഈജിപ്റ്റ്
- സ്ത്രീ സമത്വ ദിനം: ആഗസ്റ്റ് 26
നീണ്ട പോരാട്ടത്തിനൊടുവില്‍ 1920 ഓഗസ്റ്റ് 26നാണ് അമേരിക്കയില്‍ പത്തൊന്‍പതാം ഭരണഘടനാ ഭേദഗതിയിലൂടെ സ്ത്രീകള്‍ക്ക് ആദ്യമായി വോട്ടവകാശം ലഭിച്ചത്. 1971-ല്‍, ഇതിന്റെ 50-ാം വാര്‍ഷികത്തില്‍ അമേരികന്‍ കോണ്‍ഗ്രസ് പ്രതിനിധി ബെല്ല അബ്‌സുഗ് ആഗസ്റ്റ് 26ന് സ്ത്രീ സമത്വ ദിനമായി അനുസ്മരിക്കാന്‍ ബില്‍ അവതരിപ്പിച്ചു. അമേരിക്കയില്‍ സ്ത്രീകള്‍ക്ക് ആദ്യമായി വോട്ടവകാശം ലഭിച്ചതിന്റെ 50-ാം വാര്‍ഷികത്തില്‍, നാഷണല്‍ ഓര്‍ഗനൈസേഷന്‍ ഫോര്‍ വിമന്‍ സമത്വത്തിനായുള്ള സമരത്തില്‍ പങ്കെടുക്കാന്‍ സ്ത്രീകളോട് ആഹ്വാനം ചെയ്തു. രാജ്യത്തെ 90-ലധികം പ്രധാന നഗരങ്ങളിലും പട്ടണങ്ങളിലുമുള്ള ഒരു ലക്ഷത്തിലധികം സ്ത്രീകള്‍ ഇതില്‍ പങ്കാളികളായി. അത് അമേരിക്കന്‍ ചരിത്രത്തിലെ ഏറ്റവും വലിയ ലിംഗ സമത്വ സമരം കൂടിയായി മാറി. 1971-ല്‍ അമേരിക്കന്‍ കോണ്‍ഗ്രസ് സ്ത്രീ സമത്വ ദിനം ഔപചാരികമായി അംഗീകരിക്കുകയും ആഗസ്റ്റ് 26 സ്ത്രീ സമത്വ ദിനമായി പ്രഖ്യാപിക്കുകയും ചെയ്തു.
2023ലെ സ്ത്രീ സമത്വ ദിനത്തിന്റെ തീം : സമത്വത്തെ പുണരുക - 2021ലെ 69-ാമത് ദേശീയ ചലച്ചിത്ര പുരസ്‌കാരം നേടിയ മലയാളികള്‍
മികച്ച നവാഗത സംവിധായകനുള്ള ഇന്ദിരാഗാന്ധി പുരസ്‌കാരം: വിഷ്ണു മോഹന്‍ (ചിത്രം: മേപ്പടിയാന്‍)
പ്രത്യേക ജൂറി പുരസ്‌കാരം നേടിയത്: ഇന്ദ്രന്‍സ് (ഹോം)
മികച്ച മലയാള ചലച്ചിത്രം: ഹോം (സംവിധാനം: റോജിന്‍ തോമസ്)
നോണ്‍ ഫീച്ചര്‍ വിഭാഗത്തില്‍ മികച്ച ആനിമേഷന്‍ ചിത്രം: കണ്ടിട്ടുണ്ട് (സംവിധാനം: അതിഥി കൃഷ്ണദാസ്)
മികച്ച ഓഡിയോഗ്രഫിക്കുള്ള പുരസ്‌കാരം: ചവിട്ട്
മികച്ച തിരക്കഥ (ഒറിജിനല്‍): ഷാഹി കബീര്‍ (ചിത്ര : നായാട്ട്)
മികച്ച പാരിസ്ഥിതിക ചിത്രം: ആവാസ വ്യൂഹം (സംവിധാനം: കൃഷാന്ദ്) - 69-ാമത് ദേശീയ ചലച്ചിത്ര പുരസ്‌കാരങ്ങള്‍
മികച്ച നടന്‍: അല്ലു അര്‍ജുന്‍ (ചിത്രം: പുഷ്പ ദി റൈസ്)
ആദ്യമായാണ് തെലുങ്ക് സിനിമയിലെ അഭിനയത്തിന് ഒരു നടന്‍ ദേശീയ പുരസ്‌കാരം നേടുന്നത്.
മികച്ച നടി: ആലിയ ഭട്ട് (ഗംഗുഭായ് കത്ത്യാവാടി), കൃതി സനോണ്‍ (മിമി)
മികച്ച സിനിമ: റോക്കട്രി: ദ നമ്പി എഫക്ട് (സംവിധായകന്‍ : ആര്‍. മാധവന്‍)
മികച്ച ജനപ്രിയ ചിത്രം: ആര്‍ആര്‍ആര്‍ (സംവിധാനം : എസ്.എസ്.രാജമൗലി)
മുന്‍ ഐ.എസ്.ആര്‍.ഒ. ശാസ്ത്രജ്ഞന്‍ നമ്പി നാരായണന്റെ ജീവിതത്തെ ആസ്പദമാക്കി ഒരുക്കിയ ചിത്രമാണ് റോക്കട്രി: ദ നമ്പി എഫക്ട്.
മികച്ച സംവിധായകന്‍: നിഖില്‍ മഹാജന്‍ (മറാത്തി ചിത്രം ‘ഗോദാവരി’)
മികച്ച സംഗീതസംവിധാനം: ദേവി ശ്രീ പ്രസാദ് (പുഷ്പ)
മികച്ച പശ്ചാത്തല സംഗീതം: എം. എം. കീരവാണി (ആര്‍ആര്‍ആര്‍) - ചന്ദ്രയാന്‍ 3-ന്റെ ചന്ദ്രോപരിതലത്തില്‍ ഇറങ്ങിയ ലാന്‍ഡര്‍?
വിക്രം
വിക്രം ലാന്‍ഡറിന്റെ റാംപിലൂടെ ചന്ദ്രോപരിതലത്തില്‍ ഇറങ്ങിയ റോവര്‍: പ്രഗ്യാന്‍
ചന്ദ്രനില്‍ സഞ്ചരിക്കുന്ന എട്ടാമത്തെ റോവറാണ് പ്രഗ്യാന്‍.
വിക്രം ലാന്‍ഡറിന്റെ 4 ഉപകരണങ്ങള്‍:
a) രംഭ-എല്‍പി: ചന്ദ്രോപരിതലത്തിലെ പ്ലാസ്മ സാന്ദ്രതയും അതിന്റെ മാറ്റങ്ങളും പഠിക്കാനുള്ള ഉപകരണം.
b) ചാസ്‌തേ (ചന്ദ്രാസ് സര്‍ഫസ് തെര്‍മോഫിസിക്കല്‍ എക്‌സ്പിരിമെന്റ്): ചന്ദ്രന്റെ ധ്രുവപ്രദേശത്തെ ഉപരിതല താപനില പഠിക്കുന്നതിനുള്ള ഉപകരണം.
c)ഇല്‍സ (ഇന്‍സ്ട്രുമെന്റ് ഫോര്‍ ലൂണാര്‍ സീസ്മിക് ആക്ടിവിറ്റി): ചന്ദ്രനിലെ ഭൂകമ്പസാധ്യത അളക്കുന്ന ഉപകരണം.
d) എല്‍ആര്‍എ (ലേസര്‍ റെട്രോറിഫ്‌ലക്ടര്‍ അറേ): ലേസര്‍ റേഞ്ചിംഗ് പഠനങ്ങള്‍ നടത്താനായി നാസയില്‍ നിന്ന് ലഭിച്ച ഉപകരണം. - 2023ല്‍ ലോക ഗുസ്തി ഫെഡറേഷന്‍ വിലക്കേര്‍പ്പെടുത്തിയത് ഏത് രാജ്യത്തിനെയാണ്?
ഇന്ത്യ - 2023 ആഗസ്റ്റില്‍ ഇന്‍ഫോസിസിന്റെ അംബാസഡറായി നിയമിതനായ ടെന്നീസ് താരം?
റാഫേല്‍ നദാല്‍ (സ്പെയിന്)
Useful
Thanks for your comment. Please continue to support us by sharing the link with your friends.